Borðlampar fást í vefverslun BAUHAUS

Sýna 100 vörur

Flokka:

Borðlampar

Við hjá BAUHAUS skiljum mikilvægi þess að velja rétta ljósabúnaðinn og perurnar til að skapa hlýja og aðlaðandi stemningu á heimilinu. Þess vegna bjóðum við upp á breitt úrval af ljósum í ýmsum stærðum og gerðum sem gera þér kleift að aðlaga lýsingu heimilisins að þínum þörfum. Meðal þessara ljósa eru borðlampar, sem geta sinnt bæði praktísku og fagurfræðilegu hlutverki á heimilinu. Ertu að leita þér að öðruvísi lýsingu en borðlömpum? Hér geturðu skoðað úrvalið okkar af alls kyns inniljósum, sama hvort þú vilt gólflampa, loftljós eða LED ljósborða.

Hvernig borðlampa ætti ég að fá mér?

Þegar þú ert að velja þér borðlampa þarftu fyrst að ákveða hvort þú ætlir að nota lampann til þess að vinna eða lesa, eða hvort þú ætlir að nota hann fyrir notalega lýsingu.

Ef þig vantar borðlampa á skrifborðið mælum við með því að þú veljir lampa sem beinir ljósinu að mestu í eina átt, t.a.m. niður á við eða til hliðar. Þegar lampinn beinir birtunni á einn stað þarftu ekki eins sterka peru, og er birtustigið þá þægilegra til þess að sitja lengur við og vinna. Einnig er gott að skoða lampa með stillanlegum háls svo þú getir beint birtunni í mismunandi áttir ef þess þarf.

Ef þú ert að leita þér að borðlampa til þess að skapa notalega lýsingu í stofunni eða svefnherberginu er gott að skoða lampa sem dreifa ljósinu vel út frá sér og eru t.d. með skerm. Þessir lampar munu aldrei virka sem eina lýsingin í rými, en gefa frá sér mýkri og daufari birtu en loft- eða veggljós til dæmis, og eru því kjörinn kostur fyrir kósíkvöld eða rétt fyrir svefninn.

Hvernig ljósaperu ætti ég að kaupa?

Ljósaperum má skipta í þrjá aðalflokka: Klassískar perur, LED perur og snjallperur. Klassískar ljósaperur eru fínn kostur fyrir hefðbundið útlit og virkni á meðan LED perur eru orkusparandi, endingargóðar og koma í ýmsum litum og gerðum. Snjallperum er svo hægt að fjarstýra á ýmsa vegu. Annað sem þarf að hafa í huga við valið er litarhitastig peranna. Hlýhvítar perur henta vel til að skapa notalegt og vinalegt andrúmsloft á meðan kaldhvítar perur henta betur þar sem þú þarft bjartara ljós sem gefur þér þrótt. Hlýhvítar perur henta því vel í svefnherbergislampann en kaldhvítar perur í skrifborðslampann. Þú getur skoðað úrvalið okkar af ljósaperum hér.

FAQ:

Hvaða gerðir af borðlömpum eru til?

Til eru margar mismunandi gerðir af borðlömpum. Borðlampar geta verið á standi eða með kúpul, verið háir eða lágir, verið snúrutengdir eða ganga fyrir batteríum, verið með skerm sem mýkir birtuna eða beinir allri birtunni í eina átt, og svo margt fleira.

Hvar get ég sett borðlampa?

Þú getur sett borðlampa hvar sem þig lystir. Borðlampar geta gegnt bæði praktísku og fagurfræðilegu hlutverki. Til dæmis er gott að hafa góðan borðlampa á skrifborðinu sem gefur þér þrótt og góða birtu við vinnuna. Í svefnherberginu og stofunni getur svo verið kósí að hafa borðlampa sem gefur rýminu mjúka og notalega birtu.

Borðlampar

Hvernig borðlampa ætti ég að fá mér?

Hvernig ljósaperu ætti ég að kaupa?

FAQ:

Borðlampar

14+ ánægðir viðskiptavinir

Bæta á óskalistann