UPPFÆRT 14.APRÍL 2021 - 100 viðskiptavinir í hvert hólf

Reykjavík, 14. apríl 2021

Kæri viðskiptavinur,

Við höldum áfram að taka Covid19 alvarlega og höldum áfram með okkar umfangsmiklu aðgerðir, til að minnka líkur á smiti. Breytingar hafa verið gerðar um allt vöruhús, bæði á svæðum sem viðskiptavinir ganga um sem og á starfsmannasvæðum.

• Snertilaus sprittstandur er við aðalinngang og handspritt á öllum upplýsingaborðum.
• Sett hefur verið upp aðstaða með spritti, einnota hönskum og pappír við inngang í verslunina og við hvetjum viðskiptavini til að nýta sér það.
• Kerrur eru sótthreinsaðar á milli viðskiptavina.
• Allir snertifletir, þjónustuborð, posar og þjónustuhnappar eru þrifnir að minnsta kosti einu sinni á klukkutíma.
• Við hvetjum viðskiptavini til þess að nýta sér snertilausar greiðslur.
• Merkingar eru til staðar á gólfi, sem gefa til kynna 2 metra fjarlægð við afgreiðsluborð og á kassasvæði.
• Húsinu hefur verið skipt upp í svæði, til þess að tryggja það að ekki séu of margir á sama rými í einu.
• Almenn þrif hafa verið aukin, sérstaklega á starfsmannasvæðum.   

Til þess að aðstoða okkur, við að uppfylla kröfur vegna samkomubanns biðjum við alla um að vera vel undirbúna fyrir heimsókn til okkar, svo að hún vari sem styst. Frá og með morgundeginum, 15. apríl, hvetjum við vinnustaði og heimili til þess að senda aðeins einn aðila til að versla hverju sinni, en til okkar mega nú koma hámark 100 viðskiptavinir í einu í hvert hólf, en vöruhús okkar mun vera skipt í tvö hólf.

Við biðjum viðskiptavini að sýna þessum tímabundnu ráðstöfunum skilning því í ljósi aðstæðna verður skert þjónusta. Einnig biðjum við viðskiptavini um að sýna starfsfólki okkar þolinmæði og skilning í þessum krefjandi aðstæðum. Þú getur alltaf haft samband við okkur með tölvupósti á netfangið simaver@bauhaus.is eða í síma 515-0800.     

Nú sem áður fyrr fylgjumst við vel með ástandinu og förum ávallt eftir leiðbeiningum Almannavarna. Opnunartími í vöruhúsi og á Fyrirtækjasviði er óbreyttur og viljum við hvetja viðskiptavini Fyrirtækjasviðs til þess að senda póst á sala@bauhaus.is eða hafa samband í síma 515-0869 ef hægt er, til að takmarka viðskiptavini í vöruhúsi.

Hjálpumst að, sendum einn aðila eftir því sem okkur vantar og stoppum stutt.

Með kærri kveðju,

BAUHAUS